सर्वोच्च अदालतको आदेशपछि शिक्षा मन्त्री रघुजी पन्तले आन्दोलनरत नेपाल शिक्षक महासंघलाई वार्तामा बोलाए पनि समन्वयको अभावले शुक्रबार दिउँसो वार्ता हुन सकेन ।
शिक्षा मन्त्रालयले २५ जनाको नाम सिंहदरबार प्रवेश पासका लागि गेटमा पठाएको थियो । तर महासंघले ती नामहरू आफूहरूले नबनाएको दाबी गर्दै केही नेताहरू गेटमै रोकिएका थिए । महासंघका अध्यक्ष लक्ष्मीकिशोर सुवेदीले “नामावली महासंघले बनाएको होइन” भन्दै फेसबुकमा स्टाटस समेत लेख्नुभयो ।
यस सन्दर्भमा मन्त्री पन्तले भने सरकार वार्तामा खुला रहेको बताउँदै महासंघले आधिकारिक टोली बनाउन आग्रह गर्नुभएको छ । सर्वोच्च अदालतको आदेश कार्यान्वयन गर्नु सरकारको दायित्व भएको भन्दै मन्त्रालय वार्तामा खुला रहेको उहाँको भनाई छ । मन्त्रालय र महासंघबीच समन्वयको अभावले शुक्रबार वार्ता रोकिएसंगै शिक्षक आन्दोलन थप लम्बिने अवस्था बनेको छ ।
Advertisement