नेपाली कांग्रेस केन्द्रीय कार्यसमितिले निर्वाचनमा जाने औपचारिक निर्णय गरेको छ।

अहिलेको राजनीतिक संकटको निकास, संविधानको संरक्षण र जेनजीले उठाएका मागलाई संस्थागत गर्न निर्वाचनको विकल्प नभएको कांग्रेसको निष्कर्ष छ।

राष्ट्रियसभा निर्वाचन र प्रतिनिधिसभा निर्वाचनका लागि निर्वाचन आयोगमा दल दर्ता गर्ने निर्णयसमेत गरेको उक्त पार्टीले जनाएको छ।

कांग्रेसले निर्वाचनको वातावरण निर्माण बनाउन आग्रहसमेत गरेको छ।

आम नागरिकलाई भयरहित वातावरण बनाउन कांग्रेसले हराइरहेका हतियार र कैदीबन्दीलाई तत्काल नियन्त्रणमा लिनुपर्ने माग गरेको छ।