नेपाल कम्युनिष्ट पार्टी (एमाले) को दोस्रो विधान महाधिवेशनमा प्रस्तुत प्रतिवेदनहरूमाथिकाे छलफल सुरु भएकाे छ। महाधिवेशनको दोस्रो दिनको बन्दसत्रमा प्रतिनिधिहरूलाई दश समूहमा विभाजन गरेर सबै प्रतिवेदनमाथि छलफल थालिएकाे हाे।
सात भौगोलिक प्रदेश, उपत्यका विशेष, जनसङ्गठन र सम्पर्क समन्वय र प्रवास तथा केन्द्रीय निकाय एवं आयोजक गरी दश समूह बनाइएको प्रचार विभाग प्रमुख राजेन्द्र गाैतमले जानकारी दिए। यी समूहले राजनीतिक, साङ्गठनिक प्रस्ताव र विधान संशोधन प्रस्ताव तथा केन्द्रीय आयोगबाट प्रस्तुत भएको प्रतिवेदनमाथि छलफल गर्नेछन्।
विधान महाधिवेशनमा पूर्वराष्ट्रपति विद्या भण्डारीकाे सदस्यता राेक्न नहुने मागसहित प्रस्तुत भएकाे फरक प्रस्तावमाथि भने छलफल हुने/नहुने निश्चित छैन। स्थायी समिति सदस्य कर्ण थापाले आफ्नाे फरक प्रस्ताव छलफल गराउन चाहेका छन्। तर भण्डारीकाे सदस्यताको विषय छलफल नहुने अध्यक्ष केपी ओलीले बताइसकेका छन् ।
ललितपुरको गोदावरीमा शुक्रबार उद्घाटन भएकाे विधान महाधिवेशन शनिबार पनि जारी छ।