एटुजेड समाचारको तेस्रो तीज विशेष आर्टिकल लेखन प्रतियोगितामा सञ्चारकर्मी कल्पना आचार्य प्रथम भएकी छन् । एटुजेड समाचार डटकमद्वारा आयोजित “हरितालिका तीज : पर्व कि प्रदर्शन”? बिषयक आर्टिकल लेखन प्रतियोगितामा सञ्चारकर्मी कल्पना आचार्य प्रथम भएसँगै उनले नगद ५० हजार र प्रमाणपत्र प्राप्त गरेकी छन्। त्यस्तै पत्रकार करुणा देवकोटा द्वितीय भएकी छन् । उनले नगद २५ हजार र प्रमाणपत्र प्राप्त गरेकी छन् । त्यस्तै पत्रकार दिप्ती विश्वकर्मा तृतीय भएकी छन् । उनले नगद १५ हजार र प्रमाणपत्र प्राप्त गरेकी छन् भने सिन्धु ढकाल सान्त्वना भएकी छन् । उनले नगद १० हजार र प्रमाणपत्र प्राप्त गरेकी छन् । प्रतियोगितामा एटुजेड समाचारको फेसबुक पेजमा लाईक, सेयर, कमेन्ट र मेन्सनका आधारमा २० प्रतिशत पत्रिकाको आईटीटिम र ८० प्रतिशत आयोजकले तोकेका निर्णायकहरुको मुल्याङ्कनको आधारमा उत्कृष्ट ४ प्रतियोगिहरूको छनौट गरि पुरस्कृत गरिएको हो । आर्टिकल प्रतियोगितामा २५ जना महिला पत्रकारहरुको सहभागिता रहेको थियो । जसमा दुर्गाकुमारी रेग्मी, यात्री छिदाल, सूचना गुरुङ, सुधा देवकोटा, कमला गुरुङ, कल्पना आचार्य, आशा खरेल श्रेष्ठ, सुजिता हमाल, दीप्ति विश्वकर्मा, सुनिता सुवेदी, शिला पाठक, सिन्धु ढकाल, सविता श्रेष्ठ, सुरक्षा बराल, संगीता पन्त, बन्दना देबकोटा, करुणा देवकोटा, शारदा पौडेल, ईश्वरी सिं, विष्णु गौतम, पुनम थापा मगर, बसुन्धरा गौतम, खेमकुमारी श्रेष्ठ, सविता अधिकारी र बिरन्जना घिमिरे रहेका थिए । Forbes सो कार्यक्रमको निर्णायकमा त्रिभुवन विश्वविद्यालय, विरेन्द्र बहुमुखी क्याम्पसका प्राध्यापक डा. एकनारायण पौडेल, कालिका संस्कृती विद्यापिठ गैंडाकोटका प्राचार्य केशव चालिसे र नेपाली लेखक संघका अध्यक्ष शान्ती शर्मा रहेका थिए । एटुजेड समाचारका अध्यक्ष किशोरचन्द्र सापकोटाको सभाअध्यक्षतामा सम्पन्न भएको थियो । कार्यक्रममा प्रमुख अतिथी भरतपुर महानगरपालिकाका स्वास्थ्य विज्ञ सल्लाहकार एवम् विशेषज्ञ फिजिसियन डाक्टर भोजराज अधिकारी, विशिष्ट अतिथी भरतपुर महानगरपालिका वडा नम्बर ७ का वडा अध्यक्ष राजेन्द्रमणी काफ्ले, निप्पोन एजुकेशन सेन्टरका अध्यक्ष दीपक चन्द्र भट्टराई, अतिथी पत्रकार महासंघ चितवनका उपाध्यक्ष शान्ता अधिकारी, दीपेन्द्र अधिकारी, सचिव राजेश घिमिरे, कनेक्ट एजुकेसनका प्रमुख मेघराज कडेल, प्रेस चौतारी केन्द्रिय सदस्य एवम् बागमती प्रदेश इन्चार्ज प्रतीमा सिलवाल, प्रेस सेन्टरका केन्द्रिय सदस्य अजिता अधिकारी, प्रेस युनियन चितवनका अध्यक्ष अनिल ढकाल, डब्लुड्ब्लु जे चितवनका अध्यक्ष सरिता पौडेल लगाएत विभिन्न मिडियामा आबद् पत्रकार तथा संचारकर्मीहरुको सहभागीता रहेको थियो । एटुजेडले चितवनबाट पत्रकारिता शुरु गरि हाल जिल्ला, जिल्ला बाहिर वा बिदेशमा समेत रहेका महिला पत्रकार सञ्चारकर्मीहरूलाई पुनः चितवनसंग जोड्ने र मौलिक कला/संस्कृतिको महत्त्व र यसको जगेर्नाका लागि प्रोत्साहन गर्ने उद्देश्यले नेपाली महिला दिदीबहिनीहरूको महान पर्व हरितालिका तीजको अवसरमा आर्टिकल लेखन प्रतियोगिताको आयोजना गरेको हो । पुरस्कार वितरण कार्यक्रम भरतपुर ७ स्थित होटल पौवामा सम्पन्न भएको थियो ।