माडी प्रज्ञा प्रतिष्ठानको आयोजनामा सञ्चालित माडी नगरस्तरीय तीज गित प्रतियोगितामा माडी माध्यामिक विद्यालय प्रथम हुन सफल भएकाे छ ।
माडी नगरपालिकाको समन्वयमा आज (भदौ ८ गते आइतबार) सञ्चालित माडी नगर स्तरीय तीज गीत प्रतियोगितामा विद्याज्याेति इङ्लिस स्कुल द्दितिय र माडी-५ काे श्रमजीवी महिला समूह तृतिय हुन सफल भयाे भने, माडी-३ काे सृजनशिल महिला समूह र माडी-३ कै शिवशक्ति आमा समूहले सान्त्वना स्थान हाँसिल गर्न सफल भएकाे छ ।
प्रतियाेगितामा माडीका ९ वटा वडाका १७ वटा समूहकाे सहभागीता रहेकाे थियाे । प्रतियोगिता प्रथम हुनेलाई नगद रू. १० हजार, दोस्रो हुनेलाई ७ हजार, तेस्रोलाई ५ हजार र सान्त्वनालाई ३/३ हजार नगद पुरस्कारकाे साथमा प्रमाणपत्र र मायाकाे चिनाे प्रदान गरिएकाे थियाे ।
माडी प्रज्ञा प्रतिष्ठानका अध्यक्ष नारायण सापकाेटाकाे अध्यक्षतामा सम्पन्न कार्यक्रममा माडी नगरपालिकाकाे नगर प्रमुख तारा कुमारी काजी महताेकाे प्रमुख आतिथ्य रहेकाे थियाे ।