चितवन माडी स्थित सोमेश्वर माध्यामिक विद्यालयको स्वर्ण महोत्सव पौष २६ गतेदेखि माघ ३ गतेसम्म सञ्चालन हुनेभएकाे छ ।
माडी नगरपालिका वडा नं. १ बरुवास्थित सोमेश्वर माध्यामिक विद्यालयको ऐतिहासिक उत्सवको अवसरमा सहयोग गर्ने दाताहरुलाई बाजागाजा सहित सम्मान देखि रथारोहणसम्म गरिने भएको छ । विभिन्न सम्मानका कार्यक्रमहरु गर्ने कार्यविधिलाई अन्तिम रुप दिइंदैछ जसमा बाजागाजा सहित सम्मान, सभाहललाई दानविरको नामबाट नामाकरण, परिवारको स्मृतिमा मुर्ति स्थापना लगायत रथमा चढाई परिक्रम गर्नेसम्मा कार्यक्रम रहेका छन् ।
सोमेश्वर माध्यामिक विद्यालयको स्वर्ण महोत्सवको अवसरमा शैक्षिक, खेलकुद, पुरस्कार तथा सम्मान, विभिन्न कला तथा संस्कृति झल्किने झांकि सहितका कार्यक्रमहरु सञ्चालन हुने स्वर्ण महोत्सव २०८१ मूल आयोजक समिति संयोजक एवं विद्यालय व्यवस्थापन समितिका अध्यक्ष लेख बहादुर गुरुङले बताउनुभयो ।
Advertisement