चितवन माडी नगरपालिका वडा नं ९ को प्रस्तावित अयोध्याधाममा आन्तरिक तथा बाह्य पर्यटकहरुको चहलपहल बढ्दै गएको छ । प्रधानमन्त्रि केपि शर्मा ओलि वि.स. २०७८ सालमा माडीको साविक अयोध्यापुरी गा.वि.स. भगवान श्री रामको जन्मभूमि भएको सार्वजनिक उद्दघोष गरेसंगै सर्वत्र रुपमा माडीको चर्चा चुलिएको थियो ।

अयोध्याधामको बृद्धी बिकासको लागि बागमति प्रदेश सरकारले डेढ करोड बजेट बिनियोजन गरको छ भने धाम परिसरमा हाल धर्मसाला निर्माण कार्य समेत जारी रहेको छ ।

अयोध्याधाम क्षेत्रमा तटबन्धन संगै एउटा भवन, स्नान गर्ने स्थल र मोज्याक टायल लगाउने योजना रहेको अयोध्याधाम पुजा व्यवस्थापन समितिका अध्यक्ष मथुरा बहादुर भन्डारीले जानकारी दिनुभयो ।
सो क्षेत्रमा अन्य संरचना निर्माणको लागि समेत डिपिआर तयार भएकाले आउदो बर्ष भित्र धामको स्वरुप थप परिवर्तन हुने भन्डारीको भनाइ छ ।
माडी नगरपालिका वडा नं. ९ को अयोध्याधामले देशभर माडीलाई चिनाउन महत्वपुर्ण भुमिका निवार्ह गर्नुका साथै माडीमा पर्यटकहरुको आगमन समेत वृद्धि भएको छ । फलस्वरुप डिपीआर बमोजिमका संरचना केहि वर्ष भित्र नै सम्पन्न हुन सकेको खण्डमा साँच्चै माडी मणिमा परिणत हुने निश्चित देखिन्छ ।