स्वास्थ्य केन्द्र स्तारोन्नति माग राखी प्रदर्शन गरिरहेका बेला प्रहरीको गोली लागी एक प्रदर्शनकारीको मृत्यु भएपछि सर्लाहीको बरहथवा नगरपालिकामा तनाव बढेको छ ।
सुरक्षा संवेदनशीलताको कारण देखाउँदै हिजो कर्फ्यु लगाएको जिल्ला प्रशासन कार्यालयले आजदेखि निषेधाज्ञा जारी गरेको छ ।
विरोध प्रदर्शनका कारण सार्वजनिक शान्ति सुरक्षा भंगग हुन सक्ने देखिएकाले जोखिम टार्न शनिबार बिहान ८ बजदेखि भोलि आइतबार बिहान ८ बजेसम्म निषेधाज्ञा जारी गरिएको सर्लाहीका प्रमुख जिल्ला अधिकारी कोमलप्रसाद धमलाले जानकारी दिए ।
निषधाज्ञा घोषित क्षेत्र र अवधिमा समूह भेला हुन, बाहिर हिँड्डुल गर्न तथा राजनीतिक सभा तथा गतिविधि गर्न निधेष गरिएको छ ।
निषेधाज्ञा बरहथवा नगरपालिकाको पूर्वमा सीतापुर जाने बाटोको ब्रम्हास्थान, पश्चिममा हजरिया जाने बाटोको नहर, दक्षिणमा हनुमान मन्दिर र उत्तरमा सोती/चोर्निया पुल क्षेत्रभित्र लागू हुने जिप्रकाले जनाएको छ ।