प्रदेश युवा परिषद् द्वारा संचालन हुदै गरेको नि:शुल्क ड्राईभिङ, व्युटिसियन र कुक तालिमको समुद्घाटन समारोह सम्पन्न गरिएकाे छ ।
आज बुधबार माडी भिलेजमा भएको समुद्वघाटन कार्यक्रममा माडी नगर प्रमुख तारा कुमारी काजी महताे प्रमुख अतिथि रहनु भएको थियो । वडा नं ३ का वडा अध्यक्ष पुरन महतो, नेपाल रेडक्रस सोसाइटिका सभापति राम वन्धु पोख्रेल लगाएतको अथित्यता रहेको थियो भने प्रदेश युवा परिषद् जिल्ला युवा समिति चितवनका अध्यक्ष रामचन्द्र लम्सालको अध्यक्षतामा कार्यक्रम सम्पन्न भएको थियो ।
तालिममा सिकाइने सिपले युवाहरूलाइ स्वराेजगार बनाउन मदत गर्ने प्रमुख अतिथि मेयर तारा कुमारी काजी महतो बताउनु भयाे साथै कार्यक्रम सफलताको शुभकामना दिनुभएकाे थियाे ।
प्रदेश युवा परिषद्ले बेरोजगारी घटाउन साथै युवाहरुमा सिपको विकास गर्न यस तालिम आयोजना गरेको युवा समिति चितवनका अध्यक्ष राम चन्द्र लमसाले जानकारी दिनु भएको छ।
Advertisement