काठमाडौँ, असोज ८ –

जापानमा जारी वीसौँ एसियाली खेलकुद प्रतियोगिता–२०२६ अन्तर्गत टेबलटेनिसको पुरुष एकल विधामा नेपालका खेलाडीद्वय रुबिन महर्जन र संयोग कपाली प्रतियोगिताको पहिलो चरणबाटै बाहिरिएका छन् ।

जापानको नायोगास्थित काइ हल टोयोटामा आज भएको खेलमा रुबिन मकाउका खेलाडी टिन इयान माकसँग पराजित हुँदा संयोग यमनका इब्राहिम गुब्रानसँग पराजित भए । रुबिनले खेलको पहिलो सेट ११–५ ले गुमाए तर खेलको दोस्रो सेट भने आफनो पक्षमा पारे ।

उनले दोस्रो सेटमा ११–३ को जित निकाले । तर उनी त्यसपछिको लगातार सेटमा पराजित भए । खेलको तेस्रो सेट ११–९, चौथो सेट ११–४ तथा पाँचौँ सेट १२–१० ले गुमाए । यता संयोगले पनि यमनका खेलाडी इब्राहिम गुब्रानसँग समान ४–१ कै सेटमा पराजित भए ।

उनले खेलको पहिलो सेट ११–५ ले गुमाए भने खेलको दोस्रो सेट ११–८ ले पछि परे । त्यसपछि खेलको तेस्रो सेट ११–५ ले जित्दै खेलमा फर्किने प्रयास गरेता पनि सफल भएनन । त्यसपछि खेलको चौथो र पाँचौँ सेट क्रमशः ११–७ र ११–६ ले पराजित हुन पुगे ।