चितवन, २५ जेठ २०८३ — राष्ट्रिय स्वतन्त्र पार्टी (रास्वपा) चितवन क्षेत्र नम्बर ३ को क्षेत्रीय उपसभापतिमा माडी नगरपालिका–बरुवाका चीरञ्जीवि तिवारी चयन हुनुभएको छ।
आइतबार सम्पन्न जिल्ला अधिवेशनबाट तिवारी सर्वसम्मत रूपमा क्षेत्र नम्बर ३(ख) को उपसभापतिमा चयन हुनुभएको हो। यसैगरी, क्षेत्र नम्बर ३(क) को उपसभापतिमा पुष्पा थापा तथा सचिवमा गणेश कँडेल सर्वसम्मत चयन हुनुभएको छ।
क्षेत्रीय सभापति पदका लागि भने निर्वाचन भएको थियो। निर्वाचनमा भरतपुर–२७ निवासी विष्णु पौडेल ५१ मत प्राप्त गर्दै विजयी हुनुभएको छ। उहाँका प्रतिद्वन्द्वी आशिष लो तामाङले ४१ मत प्राप्त गर्नुभएको थियो।
क्षेत्रीय सभापति बाहेक अन्य सबै पदाधिकारी सर्वसम्मत रूपमा चयन भएका थिए। नवनिर्वाचित तथा चयन भएका पदाधिकारीहरूले संगठनलाई थप सुदृढ बनाउँदै पार्टीका नीति, कार्यक्रम तथा अभियानलाई जनस्तरसम्म प्रभावकारी रूपमा पुर्याउने प्रतिबद्धता व्यक्त गरेका छन्।
रास्वपाको जिल्ला अधिवेशनबाट चयन भएका नयाँ नेतृत्वले आगामी दिनमा संगठन विस्तार र जनसम्पर्कलाई थप प्रभावकारी बनाउने अपेक्षा गरिएको छ।