काठमाण्डौ – काठमाण्डौ उपत्यकामा ट्राफिक प्रहरीको कारबाहीबाट एकैदिन २२ लाख ७६ हजार भन्दा बढी राजश्व सङ्कलन भएको छ ।

हिजो एकैदिन दुई हजार ४४५ गाडी चालक नियम उल्लङ्घनको कारबाहीमा परेपछि २२ लाख ७६ हजार भन्दा बढी राजश्व सङ्कलन भएको हो । काठमाण्डौ उपत्यका ट्राफिक प्रहरी कार्यालयका अनुसार जाँडरक्सी खाएर गाडी चलाउने १२८, नियमविपरीत ‘राइड सेयरिङ’ गरेका १६०, सङ्केत बत्ती उल्लङ्घनकर्ता १४१ र तीव्र गतिमा गाडी हुइँक्याएका १८३ जनालाई कारबाही गरिएको हो ।

यसैगरी, ‘लेन’ अनुशासन पालना नगर्ने ४३, निषेधित क्षेत्रमा हर्न बजाउने १२३, सडक पेटीमा गाडी ‘पार्किङ’ गर्ने १४, एकतर्फी सडकमा गाडी चलाउने १६६ र अरू नियम पालना नगरेका एक हजार ४८७ जनालाई कारबाही गरिएको कार्यालयले जनाएको छ ।