दिगो वन व्यवस्थापन र डढेलो नियन्त्रणको उद्देश्यसहित चितवन राष्ट्रिय निकुञ्जको मध्यवर्ती क्षेत्रअन्तर्गत पाँचपाणडव उपभोक्ता समितिको आयोजना तथा तराई भू-परिधि कार्यक्रमको सहयोगमा दुईदिने आधारभूत तालिम सम्पन्न भएको छ।
तालिम माडी–१ स्थित बोटे सामुदायिक होमस्टे, बनकट्टामा सम्पन्न भएको हो। तालिममा पाँचपाण्डव उपभोक्ता समितिका पदाधिकारी, गर्दी चुरे मध्यवर्ती सामुदायिक वन, चोरी–शिकार नियन्त्रण युवा जागरण उपसमिति, बनकट्टा रेञ्ज पोस्ट, सशस्त्र प्रहरी बल BOP भङेता, प्रहरी चौकी बरुवा तथा बोटे सामुदायिक होमस्टेका अगुवा गरी २७ जनाको सक्रिय सहभागिता रहेको थियो।
उक्त तालिममा सशस्त्र प्रहरी बलका नायव निरीक्षक रोशन पौडेल र बनकट्टा रेञ्ज पोस्टका रेञ्जर विष्णुप्रसाद पौडेलले सहजीकरण गर्नुभएको थियो। कार्यक्रम पाँचपाण्डव उपभोक्ता समितिका अध्यक्ष नारायणदत्त सापकोटाको अध्यक्षतामा सम्पन्न भएको थियो भने सञ्चालन समितिका सचिव दिनकर पौडेलले गर्नुभएको थियो।
Advertisement