चितवन माडी-५ ब्रह्मपुरीमा सुरू भएकाे तेस्रो माडी भलिबल महोत्सवकाे उद्घाटन खेलमा अन्तर वडा युवा भलिवल तर्फ माडी-३ र माडी-६ साथै भेट्रानतर्फ माडी-७ र माडी-६ विजयी भएका छन् ।
माडी-५ ब्रह्मपुरीस्थित देउरालि डाँडामा सुरू भएकाे भलिवल महाेत्सवमा युवा भलिवल तर्फ वडा नं. ३ ले वडा नं. १ माथि विजयी हाँसिल गरेकाे हाे भने वडा नं. ६ ले वडा नं. ८ लाई पराजित गरेकाे हाे ।
त्यस्तैगरि, भेट्रानतर्फकाे भलिवल खेलमा माडी-७ ले माडी-८ माथि विजय हाँसिल गर्दा माडी-६ मल्लाजि टाेलले माडी-१ लाई पराजित गरि विजयी बन्न सफल भयाे ।
ब्रह्मपुरी भलिबल क्लबका अध्यक्ष गाेविन्दराज पाेख्रेलकाे अध्यक्षतामा सम्पन्न भएकाे उद्घाटन समाराेहमा माडी नगरपालिकाकाे नगर उप-प्रमुख खेम प्रसाद महताेकाे प्रमुख आतिथ्यता रहेकाे थियाे ।
Advertisement