चितवन राष्ट्रिय निकुञ्ज र मानववस्ती बिचको माडी-१ काे चक्रपथ रिङ रोडमा पाण्डबनगरदेखि कल्याणपुर, चैनपुर हुदै लक्ष्मिनिया, भंगता जोडने बाटो पाैष २१ गतेभित्र नखुलाएमा नगरपालिकामा तालाबन्दी गर्ने त्यहाँका स्थानीयले चेतावनी दिएका छन् ।
आइतबार माडी नगरपालिकाकाे नगर प्रमुख ताराकुमारी काजी महताेलाई ध्यानाकर्षण पत्र बुझाउँदै साे क्षेत्रका स्थानीयले पौष २१ गतेभित्र नगरपालिकाको निर्माण साधनको प्रयोग गरी तत्काल बाटो सुचारु गर्न ध्यानाकर्षण गराएका हुन्।
पटक पटक स्थानिय लेबलबाट डेलिगेसन तथा ज्ञापनपत्र बुझाउँदै आएको तर नगरपालिकाबाट साे ठाउँमा चक्रपथकाे १५० मिटर सडक खुलाउन कुनै सुनुवाइ र चासो नगरिएको भन्दै पाैष २१ गते सम्म पनि कुनै तदरुकता नदेखिए स्थानिय समुदायहरुबाट नगरपालिकाको प्रांगणमा उपस्थित भई तालाबन्दि गर्ने निर्णयका साथ ध्यानाकर्षण पत्र पेश गरेकाे यम अधिकारीले बताउनुभयो ।
Advertisement