बसन्तपुर युथ क्लबको आयोजनामा बिगतका वर्ष झै यस वर्ष पनि संचालन हुन लागेको माडी क्रिकेट कप प्रतियोगिताको विजेताले नगद १ लाख रुपैँया पुरस्कार प्राप्त गर्ने भएको छ।
क्लबले दिएको जानकारी अनुसार उपविजेताले नगद ५० हजार रुपैँया प्राप्त गर्ने छ। त्यसै गरि विधागत रुपमा उत्कृष्ट हुने खेलाडीहरुलाई समेत पुरस्कृत गरिने क्लबका अध्यक्ष पदम बिलास पन्तले जानकारी दिनुभयो । प्लेयर अफ द टुर्नामेन्ट र अनुशासित टिमलाई नगद ५/५ हजार नगद तथा बेष्ट बलर,बेष्ट ब्याट्सम्यान,बेष्ट फिल्डरलाई समान ३ /३ हजार नगद एवं उदयमान खेलाडीलाई २ हजार नगद सहित ट्रफी,मेडल र प्रमाणपत्र प्रदान गरिने छ।
इमेज बसन्तपुर युनाइटेड क्लब,साइड नेपाल क्लब र बसन्तपुर बजार व्यवस्थापन समतिको सह-आयोजनामा संचालन हुन लागेको उक्त प्रतियोगिता माघ २७ गते देखि फागुन ५ गते सम्म बसन्तपुर स्थित खेल मैदानमा संचालन हुने छ । देशभरका उत्कृष्ट ८ टिमको सहभागिता रहने प्रतियोगिताको मुख्य प्रवर्दकमा माडी नगरपालिका तथा प्रवर्दकमा नेपाल क्रिकेट संघ चितवन,नगर खेलकुद विकास समिति र वडा नम्बर ३ को कार्यालय रहेका छन्।
प्रतियोगिता अवधिभरका प्रत्येक खेलमा म्यान अफ द म्याच घोषित गरिने छ। म्यान अफ द म्याच घोषित हुने खेलाडीले नगद १ हजार ५ सय सहित आकर्षक ट्रफी र मेडल प्राप्त गर्ने छन्।
Advertisement