चितवन माडी , माडी क्याम्पसमा आयोजित अन्तरसमूह हाजिरी जवाफ प्रतियोगितामा व्यवस्थापन प्रथम तहको समूह प्रथम भएको छ । शुक्रबार क्याम्पसमा सम्पन्न सो कार्यक्रममा मधुसुदन अधिकारी, राहुल श्राफ र सन्दीप महतो सम्मिलित सो समूह प्रथम भएको हो ।
त्यस्तै, कक्षा १२ शिक्षा समूहको टोली दोश्रो र बि.एड. (शिक्षा समूह) प्रथम तह तेश्रो भएको छ । क्याम्पस प्रमुख रामकृष्ण क्षेत्रीको अध्यक्षतामा सो हाजिरी जवाफ प्रतियोगिता सम्पन्न भएको हो । नियमित शैक्षणिक कार्यकलापसंगै विद्यार्थीहरुमा थप ज्ञानको विकासका निम्ति क्याम्पसमा नियमित रुपमा अतिरिक्त क्रियाकलाप र खेलकूद समेत सञ्चालन हुनेगरेको क्याम्पस प्रमुख क्षेत्रीले बताउनुभयो ।
Advertisement