पहिरोले बगाउँदा त्रिशूली नदीमा बेपत्ता भएका दुईवटा बस अझैसम्म फेला पार्न सकिएको छैन। आज (शनिबार) खोजी कार्य स्थगित गरिएको छ। मौसम अनुकूल भए भोली (आइतबार) बिहान ७ बजेबाटै पुनः खोजी कार्य गर्ने चितवनका सहायक प्रमुख जिल्ला अधिकारी खिमानन्द भुसालले जानकारी दिए।
Advertisement
‘हालसम्म ३ जनाको शव फेला परेको छ। आज साँझ भइसकेकाले खोजी कार्य स्थगित गरेको उनले बताए । नारायणगढ–मुग्लिन सडकको भरतपुर महानगरपालिका वडा २९ स्थित सिमलतालमा लेदोसहितको पहिरो खस्दा त्रिशूली नदीमा शुक्रबार बिहान दुईवटा बस नदीमा खसेका थिए। बसमा ५२ जना सवार रहेको बताइएको छ।