माडीको गोबिन्दबस्तिमा आगामी मंसिर २२ गते निशुल्क वृहत स्वास्थ्य तथा आँखा जाँच शिविर सञ्चालन हुने भएको छ ।
आयन्स क्लब अन्तराष्ट्र्रिय डिष्ट्रिक ३२५ आर नेपाल, क्लष्टर ५ का क्लबहरुको आयोजनामा माडी-९ को आधारभुत विद्यालय गोविन्दबस्तिमा स्वास्थ्य शिविर हुने भएको हो ।
शिविरमा वरिष्ठ मुटुरोग विशेषज्ञहरुबाट चेकजाँच, स्त्री तथा प्रसुति सम्बन्धि चेकजाँच, बालरोग सम्बन्धि, हाड जोर्नी तथा नसा सम्बन्धि चेकजाँच, नाक, कान, घाँटीको उपचार, आँखाको उपचार लगायतको स्वाथ्य चेकजाँच एवं उपचार हुने जनाइएको छ ।
त्यस्तैगरि, भिडीयो एक्सरे, इ.सि.जी., सुगर, ब्लड प्रेसर लगायतको निशुल्क परिक्षण एवं औषधि वितरण समेत गरिने आयोजक संस्थाले जनाएको छ ।
शिविरको माडी नगरपालिका वडा नं. ९ र आधारभुत विद्यालय गोबिन्दबस्तीले सहकार्य गरेको छ । शिविरमा नाम दर्ता गराई निशुल्क स्वास्थ्य परिक्षणको सेवा लिन सबैमा अनुरोध गरिएको छ ।
Advertisement