माडी, चितवन । नेपाली कम्युनिस्ट पार्टी माडी नगरपालिका–५ ले आज चुनाव लक्षित वडा स्तरीय कार्यकर्ता छलफल कार्यक्रम सम्पन्न गरेको छ।
कार्यक्रममा पार्टीका केन्द्रीय सदस्य ऋषि काफ्लेले सहभागी कार्यकर्तालाई सम्बोधन गर्दै पार्टीको उम्मेदवार रेनु दाहाल सबै हिसाबले सक्षम, मजबुत र जनविश्वास प्राप्त उम्मेदवार भएको उल्लेख गर्नुभयो। उहाँले कार्यकर्तालाई घर–घरमा पुगेर मतदातासँग प्रत्यक्ष भेटघाट गर्दै तारा चिन्हमा मतदान गर्न आग्रह गर्न निर्देशन दिनुभयो।
छलफल कार्यक्रममा उपस्थित कार्यकर्ताहरू अत्यन्तै उत्साहित देखिन्थे। उनीहरूले कार्यक्रमस्थलमै “रेनु दाहाल जिन्दाबाद” र “भोट के मा ? तारा मा” भन्ने नाराबाजी समेत गरेका थिए।
यसै क्रममा बागमती प्रदेश सभा क्षेत्र नं. ३ की उम्मेदवार आगामी २९ गते माडी नगरपालिका–५ मा घरदैलो कार्यक्रममा सहभागी हुने जानकारी पनि गराइएको छ। पार्टीले उक्त कार्यक्रमलाई प्रभावकारी बनाउन सम्पूर्ण कार्यकर्तालाई सक्रिय भूमिका खेल्न आह्वान गरेको छ।
Advertisement