प्रहरीले सप्तरीको बोदे बरसाइन नगरपालिका–३ स्थित हुलाकी राजमार्गबाट ७ क्विन्टलभन्दा बढी गाँजा समातेको छ।  बिहुल पुलभन्दा एक सय मिटर पूर्वतर्फ प्र.१–०२–००२ च ५८३८ नम्बरको स्कारपियोबाट आज ७२६ किलोग्राम गाँजा प्रहरीले बरामद गरेको हो।

मौवहा मल्हनिया प्रहरी  चौकीका प्रमुख प्रहरी सहायक निरीक्षक हेमन्त तामाङका अनुसार गाँजा बरामद भएको कारपियोका चालक फरार छन्। उनको खोजी भइरहेको प्रहरीले जनाएको छ।

प्रहरीले गत पुस २७ गते पनि बलान बिहुल गाउँपालिका–१ कमलदाहाबाट ६७० किलो र मङ्सिर ४ गते जिल्लाको राजगढ गाउँपालिका–४ बेल्ही चपेनाबाट टिपर र चालकसहित १ हजार ७१७ किलो गाँजा बरामद गरेको थियो।