करिब डेढ करोड खर्च भएर पनि उचित व्यवस्थापन हुन नसक्दा माडी-४ काे एकता स्तम्भले पर्यटककाे ध्यान तान्न नसकेकाे देखिएकाे छ ।
माडीको महत्वपूर्ण पर्यटकिय गन्तब्य स्थलको रूपमा प्रचुर सम्भावना रहेपनि एकता स्तम्भले सोचेअनुरूप पर्यटक भने भित्रिएका छैनन् ।
करिब २५ कठ्ठा क्षेत्रफलमा रहेकाे ५५ फिट अग्लो एकता स्तम्भ परिसरमा हाल पर्खाल निर्माण कार्य सम्पन्न भैसकेकाे छ भने आन्तरिक तथा बाह्य पर्यटक भित्र्याउने उद्देश्यले पार्क निर्माणको परियोजना समेत अगाडि बढेको एकता स्तम्भ निर्माण समितिका अध्यक्ष टिकाराम पौडेलले जनाउनुभयो ।
एकता स्तम्भका निर्माणका लागि आर्थिक बर्ष २०७६/०७७ मा बागमती प्रदेश सरकारद्वारा विनियोजित ५० लाख, त्यसलाई व्यवस्थित गर्न भनि आर्थिक वर्ष २०७७/०७८ मा थप २५ लाख रुपैंया बिनियोजन भएको थियो । त्यस्तै, एकता स्तम्भ परिसरमा पर्खाल निर्माणको लागि बागमती प्रदेश सरकारको शहरी विकास तथा भवन कार्यालय हेटौंडाले करीब ४५ लाख र पछि थप २० लाख लागत सहयोग गरेको हाे ।
एकता स्तम्भलाई योजना अनुरूप थप व्यवस्थापन गर्न सके आन्तरिक तथा बाह्य पर्यटक भित्र्याउन सके सार्थकता पाउने थियो ।
Advertisement