चितवनको पहिलो रेडियो सिनर्जी एफएमद्धारा आयोजित मिडिया कप फुटसलको उपाधि एटुजेट समाचारले जित हासिल गरेको छ। एफएमले नेपालीहरुको महान पर्व विजया दशमीको अवसरमा प्रतियोगिता आयोजना गरेको हो ।

आज भएको प्रतियोगिता फाइनलमा इच्छाकामना रेडियोलाई पराजित गर्दै एटुजेट समाचार विजेता बन्यो । प्रतिस्पर्धात्मक खेलको निर्धारित समय गोल रहित बराबरीमा सकिएपछि टाइब्रेकरमा एटुजेट समाचारले जित हात पारेको हो ।

प्रतियोगिताको विजेता एटुजेड समाचारले ट्रफीसहित ३० किलोको खसी तथा उपविजेताले २६ किलोको खसी प्राप्त गरेको छ । विजेतालाई सिनर्जी एफएमका प्रबन्ध निर्देशक सहनलाल प्रधान, पत्रकार महासंघ चितवनका उपाध्यक्ष प्रकाशमणि ज्ञावाली, सचिव दिपेन्द्र अधिकारीलगायतले पुरस्कार वितरण गरेका थिए ।

चाडपर्वको समयमा मिडिया हाउसहरुबीच शुकामना आदान प्रदान तथा आत्मियता साटासाटका लागि प्रतियोगिता आयोजना गरिएको एफएमले जनाएको छ । प्रतियोगितामा चितवन र नवलपुरका बिभिन्न ९ वटा मिडिया हाउसहरु सहभागी थिए ।