माडी, चितवन । माडी सञ्चार सञ्जालको अध्यक्षमा पत्रकार दीप्ति विश्वकर्मा चयन हुनुभएको छ। विगतमा ‘ग्रामीण सञ्चार सञ्जाल माडी’ नामको संस्थाका रुपमा क्रियाशील सो संस्थाको माडी-३ वडा कार्यालयको सभाहलमा मङ्गलबार सम्पन्न पाँचौँ साधारणसभा तथा अधिवेशनबाट नाम परिवर्तन भई ‘माडी सञ्चार सञ्जाल’ कायम भएको हो।
सञ्चार सञ्जालको नयाँ कार्यसमितिमा उपाध्यक्षमा मोहन पोख्रेल, सचिवमा प्रेम पौडेल उज्जवल, कोषाध्यक्षमा श्रीजा थापा र सहसचिवमा शिला पाठक चयन हुनुभएको छ। त्यसैगरी, कार्यसमिति सदस्यहरुमा कृष्ण परियार, शंकर गिरी र कृष्ण न्यौपाने रहनुभएको छ भने बाल्मीकि एफ.एम.को एक जना प्रतिनिधि पछि थप गरी कार्यसमितिले पूर्णता पाउने जनाइएको छ।
नवनिर्वाचित समितिले पत्रकारका हक अधिकार सुनिश्चित र पत्रकारिता पेशालाई मर्यादित बनाउन पत्रकार बीमा, क्षमता अभिवृद्धि कार्यक्रम लगायतका कार्यक्रम सञ्चालन गरिने जनाएको छ।
Advertisement