मुस्ताङ्ग जिल्लाको कागबेनीमा आज बिहान एउटा बस दुर्घटना भएको छ। आज बिहान करीब नौ बजे प्रदेश ३-०१-००६ ख ६२२ नम्बरको बस जोमसोम-मुक्तिनाथ सडक खण्डस्थित कागबेनीको पहिलो मोड नजिक दुर्घटनाग्रस्त भएको हो।बस दुर्घटना भएको थाहा पाउनासाथ मुस्ताङका प्रमुख जिल्ला अधिकारी जनकराज पन्त, मुस्ताङ्गका प्रहरी प्रमुख डिएसपी भोजराज पाण्डे, स्थानीय जनप्रतिनिधिहरु लगायतको टोली उद्धारका लागि घटनास्थलमा पुगेको थियो। बस सडकमै पल्टिएकाकारण केही बेर जोमसोम-मुक्तिनाथ सडक खण्ड अवरुद्ध भएको थियो। अहिले सडक सुचारु भएको छ।